Cómo funciona?

O primeiro paso é integrar Pasarela de pagamento no teu sitio web ou aplicación, mediante un plugin ou unha API. Podes consultar como facelo na nosa sección de Desenvolvedores. Tes dúas opcións de integración: 

• ​​​Integración sinxela usando un plugin. 
• Integración avanzada con API Direct.  

Unha vez configurada, estará lista para procesar pagamentos. Desde o Panel de control de Wipöp podes ver todas as transaccións en tempo real. Tes acceso a informes detallados que che permiten rastrexar as túas vendas, ver os métodos de pagamento empregados polos teus clientes e xestionar de xeito eficiente as devolucións, os reembolsos, os pagamentos recorrentes e as subscricións. 

As vantaxes de ter unha pasarela de pagamento

• Integración flexible: Podes usar plugins específicos se traballas coas plataformas principais. Ou podes facelo mediante API para unha maior personalización. 
• Variedade de métodos de pagamento​​: ofrece aos teus clientes pagar como prefiran, mediante tarxetas Visa e Mastercard,ou a través de Bizum. 
• A comodidade dunha ligazón de pagamento: envía ligazóns de pagamento únicas aos teus clientes a través da túa canle preferida: WhatsApp, Telegram, Instagram, Facebook… así como por correo electrónico. 
• Automatización de pagamentos recorrentes: se o teu negocio require pagamentos recorrentes ou subscricións, a pasarela de pagamento tamén che permite configurar estas opcións. 
• Conversión de divisas: conta co servizo DCC (Dynamic Currency Convertion) para que os teus clientes internacionais poidan pagar coa súa moeda local se o prefiren. Seguirás recibindo a cantidade en euros. 
• Opción para non volver inserir os datos: os teus clientes habituais poden gardar os seus datos de pagamento se desexan unha experiencia de compra máis rápida e áxil. Os seus datos seguirán estando protexidos grazas á tokenización de Wipöp. 
• Seguridade para ti e os teus clientes: Wipöp cumpre cos estándares PCI-DSS e tokeniza todos os datos das transaccións económicas. Os datos dos teus clientes están protexidos. 

Que requisitos necesitas?

Para comezar a gozar das vantaxes da pasarela de pagamento, só precisas:  

• Ter unha conta activa en Wipöp. 
• Configurar a pasarela de pagamento dun xeito sinxelo ou avanzado. 
• Cumprir cos requisitos técnicos e a certificación. 
• Estar dado de alta como autónomo ou PEME. 
• Ter un sitio web ou unha aplicación de tenda en liña. 
• Ter unha conta bancaria para liquidar transaccións. 
• Se queres usar o servizo Bizum, debes telo dado de alta na túa entidade financeira. 
• Cumprir cos requisitos de seguridade PCI-DSS se manexas datos de tarxetas directamente.