Wipöp ST erabiltzearen abantailak

• Ordainketa-metodo ezberdinak onartzen ditu: txartela, smartphone eta smartwatch. 
• Behar duzun guztia eta gehiago: bidali ordainketa-estekak, kudeatu eskupekoak eta utzi bezeroei beste moneta batzuekin ordaintzen. 
• Laguntza teknikoa: eskatu laguntza behar duzunean.

STa konektatzea

1. Bilgarria kentzea eta dena prestatzea: STa jasotzen duzunean, ziurtatu osagai guztiak kutxan daudela: terminala, kargagailua eta kableak. Jarri STa leku irisgarri eta seguru batean. 
2. Sare-konexioa: Zure POS sistema Wi-Fi eta GPRS 4G bidez konekta daiteke. Zure establezimenduko Wi-Fiaren bidez konektatzen baduzu, hautatu zure sarea terminalaren menuan eta idatzi pasahitza. GPRS 4Gren kasuan, sartu SIM txartela gailuan eta idatzi txartelaren datuak; horrela, GPRS estaldura duzun edozein lekutatik ordainketak jaso ahal izango dituzu. 
3. Hasierako konfigurazioa: Piztu STa eta jarraitu argibideei konfiguratzeko. Horretarako, zure merkataritza-zenbakia eta beharrezkoak diren beste datu batzuk sartu beharko dituzu. Zalantzarik izanez gero, gailuak dakarren eskuliburua kontsulta dezakezu, edo, bestela, jar zaitez harremanetan gure laguntza-taldearekin.

Ekin diezaiogun lanari

• Salmenta egitea: Ordainketa onartzeko, hautatu zenbatekoa STan. Ondoren, eskatu bezeroari txartela pasatzeko edo gailu mugikorra erabiltzeko. Terminalak transakzioa burutzeko argibide argiak bistaratuko ditu. 
• Ordainketak egiaztatzea: Ordainketa prozesatu ondoren, STak ordainagiria inprimatuko du, bezeroarentzako kopia ere ateratzeko aukera eskainiz. Beharrezkoa bada, ziurtatu sinatzen duela. Bezeroak nahiago badu, ordainagiria posta elektronikoz ere bidal dezakezu.
• Salmentak kontsultatzea: Sartu zure bankuaren webgunean transakzioak berrikusteko. Laburpena ikusi eta zure irabazien jarraipena egin ahal izango duzu. Horrek zure negozioa hobeto kudeatzen lagunduko dizu.

Berrikuntza

1. Moneta ez da arazo bat izango: moneta ezberdinekin ordaintzeko DCC (Dynamic Currency Conversion) zerbitzua hartzen du barne. Sistema horrekin, bezeroek beren monetan ordaintzea aukera dezakete, baina zuk eurotan jasoko duzu beti ordainketa.
2. Ordainketa-aukera gehigarria: Ordainketa-esteka zerbitzua baliabide oso erabilgarria da. Sartu bezeroaren telefono-zenbakia edo helbide elektronikoa transakzioaren xehetasunekin batera STan. Hala hautatuz gero, erosleak mezu elektroniko bat jasoko du, eta bertatik txartelarekin ordainketa egin ahal izango du.