Comeza cun só xesto

O botón de acendido do POS está situado na parte superior do lateral esquerdo. Só tes que premelo para inicialo. A aplicación Wipöp TPV abrirase directamente, sen necesidade de chaves. 

Ao teu xeito

Para configuralo ao teu gusto, debes abrir o menú principal da aplicación e seleccionar a opción “Axustes”. Nesta sección podes personalizar as opcións de configuración, como o idioma. 

Cobra en segundos

Simplemente insire a cantidade que desexas recibir na pantalla de inicio. Neste proceso, amosarase a opción de aceptar tarxetas estranxeiras se o desexas. Unha vez rematada a venda, podes escoller entre imprimir o comprobante (tícket) ou envialo por correo electrónico ao teu cliente (neste caso, deberás escribir o enderezo de correo electrónico). 

Control total sobre as túas vendas

Podes revisar as túas operacións en calquera momento. Para iso, accede á opción “Historial de operacións”. Nesta sección podes buscar por código de pedido e filtrar por data e tipo de operación. Ao seleccionares o movemento desexado, podes revisar os detalles, facer unha devolución ou reenviar/imprimir outra vez o comprobante da operación. 

Explora outras funcionalidades

• Preautorizacións Na sección “Preautorizacións”, podes reservar un importe facilmente. Tamén podes confirmar ou cancelar as que fixeches cando o precises. 
• Peches: usa esta opción para agrupar as túas operacións por períodos de tempo. Perfecta para ter un maior control sobre os movementos do teu negocio. 
• Axuda: cada sección da aplicación Wipöp inclúe unha sección de axuda con respostas a preguntas frecuentes. Tamén podes contactar connosco cando o precises accedendo á opción “Contacto” da aplicación. 

Vantaxes de ter Wipöp TPV

• Móveo onde queiras: se o teu negocio require desprazamentos, Wipöp TPV sempre pode ir contigo; só precisa unha conexión de rede (wifi ou tarxeta SIM GPRS 4G). 
• Preautorizacións​​: podes reservar unha cantidade de xeito rápido e sinxelo. Confirma ou cancela as que fixeches cando queiras, todo desde a mesma sección. 
• Devolucións: vai á sección “Historial de operacións”, busca a venda que queres devolver e accede aos seus detalles. Podes completar unha devolución nuns poucos pasos. 
• Conversión de divisas: conta co servizo DCC (Dynamic Currency Convertion) para que os teus clientes internacionais poidan pagar coa súa moeda local se o prefiren. Seguirás recibindo a cantidade en euros. 
• Seguridade para ti e os teus clientes: Wipöp cumpre cos estándares PCI-DSS e tokeniza todos os datos das transaccións económicas. Os datos dos teus clientes están protexidos. 

Que requisitos necesitas?

Comezar a usar Wipöp TPV é rápido e sinxelo. Todo o que necesitas é:  

• Ter unha conta activa en Wipöp.
• Estar dado de alta como autónomo ou PEME. 
• Ter unha conta bancaria para liquidar transaccións.